ҮНДЭСНИЙ ҮЙЛДВЭРЛЭГЧДИЙН САНАЛ АСУУЛГА

Судалгааны зорилго

• Сүхбаатар дүүрэгт үйл ажиллагаа явуулж буй жижиг, дунд үйлдвэрлэл эрхлэгчдээс үндэсний бүтээгдэхүүнээ дотоодын сүлжээ дэлгүүрүүдэд нийлүүлэхэд тулгарч буй хүндрэл, саад бэрхшээлийг тодорхойлох, бодлогын түвшинд шийдвэр гаргах суурь мэдээлэл бэлтгэх.
• “Made in Mongolia” нэрийн борлуулалтын цэг буюу дүүргийн үйлдвэрлэгчдэд зориулсан хөнгөлөлттэй нөхцөл бүхий тусгай бүс байгуулах шаардлага, хамтын оролцоо, чадавхийг үнэлэхэд оршино.

Гол санаа

• “Монголын сүлжээ дэлгүүрүүд үндэсний үйлдвэрлэгчдийн барааг ялгаварлалгүйгээр, урт хугацаанд, тусгай хэсэг гаргаж байрлуулах үүрэгтэй байх бодлого, стандарт шаардлагатай байна.”
• Үндэсний бүтээгдэхүүний борлуулалтын минимум хувь-ийг (жишээ нь нийт барааны 30%) хуваарилах журам гаргах
• “Made in Mongolia” гэсэн тэмдэглэгээтэй бүтээгдэхүүнд зориулсан тусгай бүс, хөнгөлөлттэй нөхцөл
• Төрөөс сүлжээ дэлгүүрүүдтэй хамтарсан маркетингийн дэмжлэгийн сан байгуулах
• Үндэсний үйлдвэрлэгчдийн бараа хасах, буцаах нөхцөлд татан буулгах шалгуур ил тод байх журмыг хэрэгжүүлэх

Судалгааны үндсэн асуултууд

• Та ямар төрлийн бүтээгдэхүүн үйлдвэрлэдэг вэ?
• Танай бүтээгдэхүүн аль сүлжээ дэлгүүрүүдэд байрладаг вэ?
• Борлуулалтад нөлөөлж буй гол саад юу вэ?
• Сүлжээ дэлгүүрүүдтэй ажиллахад хамгийн хүнд асуудал юу вэ?
• (жишээ нь: лангуу түрээс, байрлал, хураамж, буцаалт, маркетингийн зардал, хандлага гэх мэт)
• Гадаадын импортын бараатай харьцуулахад үндэсний үйлдвэрлэгчдэд шударга нөхцөл бий юу?
• Төрөөс ямар дэмжлэг, бодлого хэрэгтэй гэж үзэж байна вэ?

Судалгааны аргачлал

• Зорилтот бүлэг: Сүхбаатар дүүрэгт бүртгэлтэй 50–100 жижиг, дунд үйлдвэрлэл эрхлэгч
• Хэлбэр: Google Form эсвэл цаасан асуулга
• Анализ: Төвлөрсөн дүгнэлт, кейс жишээ, санал, тоон үзүүлэлт (хэдэн хувь нь “дэлгүүрээдэд бүтээгдээхүүнээ нийлүүлж чадаж байгаа” гэж үзэж байгаа гэх мэт)