Татвар төлөгчдийн өдрүүд–2026 арга хэмжээний хүрээнд Сүхбаатар дүүргийн ноос, ноолуурын үйлдвэрлэл эрхэлдэг иргэд, аж ахуйн нэгжүүдэд зориулсан татварын сургалт, танилцах арга хэмжээ амжилттай зохион байгуулагдлаа.

Тус арга хэмжээг Сүхбаатар дүүргийн татварын хэлтэс болон Говь ХК хамтран хэрэгжүүлж, оролцогчдод:

Татварын хууль, тогтоомжийн талаарх мэдээлэл Татварын тайлан, бүртгэлд анхаарах асуудлууд  Эрсдэлээс урьдчилан сэргийлэх зөвлөмж, зөвлөгөө зэрэг практик мэдлэгийг хүргэлээ.

Мөн оролцогчид Говь ХК-ийн үйлдвэрлэлийн үйл ажиллагаатай танилцаж, бодит туршлага судлах боломж бүрдсэн нь арга хэмжээний онцлог байв. Энэхүү арга хэмжээ нь төр, хувийн хэвшлийн үр дүнтэй хамтын ажиллагааны хүрээнд үйлдвэрлэл эрхлэгчдийг дэмжих, чадавхжуулахад чиглэсэн ач холбогдолтой үйл ажиллагаа боллоо.